ՔԻՇԻՆԵՎ, 1 հուլիս. Գագաուզիայի ինքնավարության ղեկավար Եվգենիա Գուցուլը հայտարարել է, որ Մոլդովայի իշխանությունները օգտագործում են իրենց դատական գործը՝ ընդդիմության ներկայացուցիչներին վախեցնելու համար:

Գուցուլի դեմ Մոլդովայում քրեական գործեր են հարուցվել՝ կապված 2023 թվականին Գագաուզիայում ընտրությունների ժամանակ «Շոր» կուսակցությանը (որը արգելված է Մոլդովայում) ֆինանսավորելու մեղադրանքների հետ: Նախնական կալանքի ժամկետը լրացել էր հունիսի 13-ին, սակայն Քիշնևի շրջանային դատարանը կրկին երկարաձգել է տնային կալանքը 30 օրով: Երեքշաբթի օրը դատավարությունն անցել է փաստարկների փուլ, իսկ դատարանի մոտ հավաքվել են Գուցուլի կողմնակիցները: Դատախազությունը պահանջում է ազատազրկել նրան 9 տարով:

«Մենք սպասում էինք, որ դատախազությունը կներկայացնի նման պատիժ արդեն առաջին օրվանից, երբ պարոն Եպուրեն (դատախազը) վերցրեց իմ գործը: Գուցուլն այսօր հասարակության առջև պատժի օրինակ է դարձել՝ որպես նախադեպ, որպեսզի ընդդիմադիրները չհանդգնեն հակաճառել իշխանությանը: Մենք գիտենք, որ ընդդիմությունն իսկապես ուժեղ է և տեսնում է այն խնդիրներն ու թերությունները, որ ստեղծվել են վերջին չորս տարիներին իշխանության կողմից»,— հայտարարել է Գագաուզիայի ղեկավարը:

Նա շնորհակալություն է հայտնել դատավորին, որը թույլ է տվել լրագրողներին ներկա գտնվել դատական նիստին և անձամբ տեսնել «շոուն», որ տեղի է ունենում դատարանում:

Մոլդովայի իշխանությունները անցել են ճնշող միջոցների՝ ընդդեմ ցանկացած տարակարծության: Կեղծ պատճառաբանությամբ ձերբակալվել է Գագաուզիայի ղեկավար Գուցուլը, Մոլդովայի օդանավակայանում ձերբակալում են Ռուսաստան այցելած պատգամավորներին, իսկ մի շարք ընդդիմադիր քաղաքական գործիչների նկատմամբ հարուցվել են քրեական գործեր: Բացի այդ, Կիշնևը փորձում է արգելել բողոքի ցույթերը ընտրություններից 30 օր առաջ և ընտրություններից հետո 30 օրվա ընթացքում: Որպեսզի առանց պատճառի մերժեն թեկնածուների գրանցումը և այդ կերպ խոչընդոտեն նրանց մասնակցությունը ընտրություններին, իշխող կուսակցությունը առաջարկել է ընդլայնել տեղեկատվության և անվտանգության ծառայության լիազորությունները՝ պատրվակաբանելով «ընտրակեղծիքների դեմ