Մոսկվայի մարզի Պուշկինսկի քաղաքային դատարանը Ալեքսեյ Չեբոտարևին դատապարտել է 15 տարվա ազատազրկման՝ խիստ ռեժիմի ճամբարում։ Չեբոտարևը ՆԳՆ «Витязь» հատուկ ջոկատի նախկին անդամ է և մեղադրվել է 10 սպանություն և 2 սպանության փորձ կատարելու մեջ՝ համաձայն Ռուսաստանի Քրեական օրենսգրքի 105-րդ հոդվածի։

Չեբոտարևը նախկինում համագործակցել է հետաքննության հետ և նախադատական համաձայնագիր կնքել։ Նրա ցուցմունքների հիման վրա ձերբակալվել են «Витязь» ջոկատի 18 այլ անդամներ՝ կապված առնվազն 40 սպանությունների հետ։

Ընդհանուր առմամբ, գործով մեղադրյալների թիվը հասնում է 50-ի։ Որոշ մեղադրյալներ դեռևս ազատության մեջ են, ուստի Չեբոտարևը գտնվում է պետական հսկողության տակ։ Դատավարությունն անցել է փակ ռեժիմով՝ հանրային գործընթացից դուրս։

Ալեքսեյ Չեբոտարևի փաստաբան Աննա Մեդվեդևան լրատվամիջոցներին հայտնել է, որ նրա պաշտպանյատը չի նախատեսում բողոքարկել դատավճիռը։ Չեբոտարևը ավելի վաղ ամբողջությամբ խոստովանել էր իր մեղքը։ Նրա պաշտպանությունը փորձել է դատարանից պահանջել քրեական հետապնդման դադարեցում՝ ընդգծելով մեղադրյալի կարևոր դերը քրեական գործի լուծման գործում։

Չեբոտարևը «Витязь» ջոկատի չորրորդ անդամն է, ով դատապարտվել է նախադատական համագործակցության համաձայնագրի շրջանակում։ Մինչ այդ, ևս երեք նախկին անդամներ նույնպես ազատազրկման էին դատապարտվել՝ Արազ Դադաշև (ադրբեջանական ծագմամբ), ԱԴԾ-ի նախկին աշխատակից Օլեգ Միխալյովը և ՆԳՆ-ի նախկին աշխատակից Անդրեյ Յախնևը։ Նրանց դատավճիռները տատանվել են 8-ից 11 տարվա ազատազրկում։

Ինչպես նախկինում հաղորդվել էր, 2000-ականների սկզբին «Витязь» ջոկատի մի խումբ զինվորներ, Արթուր Կոզլովի հրամանատարությամբ, ստանում էին գործարարների ու քրեական հեղինակությունների սպանության հրամաններ։ Ռուսաստանի Քննչական կոմիտեի տվյալներով, նրանց զոհերը հաճախ պատահական անձինք էին դառնում։