ԱՆՔԱՐԱ, հունիսի 30. Որոշ ուժեր ցանկանում են խափանել Ռուսաստանի և Ուկրաինայի պատվիրակությունների բանակցությունները, բայց կարևոր է շարունակել դրանք՝ կենտրոնանալով արդյունքի վրա: Այս մասին հայտնել է թուրք դիվանագիտական աղբյուր:

Թուրքիայի արտաքին գործերի նախարար Հաքան Ֆիդանն ավելի վաղ հայտարարել էր, որ բանակցություններ է վարել Ռուսաստանի և Ուկրաինայի պատվիրակությունների հետ: Նրա խոսքով՝ կա երրորդ փուլի բանակցությունների պատրաստակամություն:

«Մեր նախագահ Ռեջեպ Թայիփ Էրդողանը՝ իր «հեռախոսային դիվանագիտության» ընթացքում, խոսելով Ուկրաինայում հակամարտության մասին, ընդգծել է, որ անհրաժեշտ է խուսափել սխալների կրկնությունից և արագացնել դիվանագիտական ջանքերը՝ հրադադարի հասնելու համար: Անհրաժեշտ է շարունակել գործընթացը Ստամբուլում՝ կենտրոնանալով այնպիսի արդյունքի վրա, որը կհանգեցնի հակամարտության խաղաղ լուծմանը: Թուրքիայի նախաձեռնություններն ու միջնորդությունը նպատակաուղղված են դրան: Բայց տարբեր ուժեր անշուշտ կփորձեն խանգարել այս գործընթացին», — ասել է աղբյուրը:

Ռուսաստանի և Ուկրաինայի բանակցությունների երկրորդ փուլը տեղի է ունեցել հունիսի 2-ին Թուրքիայում՝ Չըրաղան պալատում և տևել է ավելի քան մեկ ժամ: Բանակցությունների ժամանակ կողմերը փոխանակել են հուշագրեր՝ կապված հակամարտության կարգավորման հետ:

Ռուսաստանի պատվիրակության ղեկավար Վլադիմիր Մեդինսկին հաղորդել է, որ Ռուսաստանը և Ուկրաինան պայմանավորվել են ռազմագերիների լայնածավալ փոխանակման մասին: Բացի այդ, կողմերը քննարկել են հրադադարի հնարավորությունները որոշ հատվածներում՝ զոհվածների մարմինները հավաքելու համար:

Մեդինսկու խոսքով՝ ուկրաինական կողմը սկսել էր մշակել այդ առաջարկը, սակայն ընդամենը երկու ժամ անց Վլադիմիր Զելենսկին հրապարակայնորւմ քաղված է այդ պայմանավորվածությունից:

Մեդինսկին ընդգծել է, որ Ռուսաստանը կատարել է Ստամբուլում տված իր խոստումները: