ՊԱՐԻԶ, հունիսի 29. Ֆրանսիայի մայրաքաղաքում տեղի է ունեցել ցույց՝ ուղղված Ուկրաինայում հակամարտության դադարեցման կոչով և Կիեվին զենք մատակարարելու դեմ:

Մի քանի հարյուր ցուցարարներ հավաքվել են Պալե-Ռոյալ հրապարակում՝ Լուվրի դիմաց: Չնայած շոգին, նրանք երթով անցել են քաղաքի կենտրոնով: Ակցիան կազմակերպել է «Պատրիոտներ» կուսակցության հիմնադիր Ֆլորիան Ֆիլիպոն, ով գլխավորել է ցուցարարների շարասյունը:

Մասնակիցները կարգախոսներ են բացականչել. «Ոչ տանկերի, ոչ դրոնների Ուկրաինայում», «Մակրոն, մենք չենք ուզում քո պատերազմը», «Մակրոն, մենք չենք մահանա Ուկրաինայի համար»: Նրանք կոչ են արել Ֆրանսիային դուրս գալ ՆԱՏՕ-ից և պահանջել երկրի նախագահի հրաժարականը:

Ցուցարարների պաստառներին գրված էր. «Մակրոն, մենք չենք վճարի քո պատերազմի համար», «Բավական է Եվրոպայից», «Եվրամիությունը սպանում է, խաղաղություն = Ֆրեքզիտ», «Ուկրաինա. ո՞րն է գինը՝ քո որդին, քո մերձավորը, քո խնայողությունները»: Մի քանի մասնակիցներ ֆրանսիական դրոշի կողքին ձեռքներին բռնել են նաև ռուսական եռագույնը:

Սենա գետը հատելիս ցուցարարները վառել են Ֆրանսիայի դրոշի գույներով փարոսներ:

Ակցիայի վերջում Ֆիլիպոն խորհրդանշական կերպով պատառոտել է ՆԱՏՕ-ի խորհրդանիշը՝ կոչ անելով խաղաղության և «դադարեցնել դաշինքի թելադրանքին հետևելը»: