ԳԵՆԻՉԵՍԿ, 29 հունիս – ՌԻԱ Նովոստի. «Դնեպր» զորախմբի առանձին բժշկական գումարտակի բժիշկները ՌԻԱ Նովոստիին պատմել են, թե ինչպես են ուկրաինական FPV-անօդաչու օպերատորները հետևում ՌԴ զինված ուժերի վիրավոր զինվորներին ու բժիշկներին և հարվածում նրանց։ «Այո… Այո, դա (Ուկրաինայի զինված ուժերի հարվածները տարհանման խմբերին – խմբ.) նույնպես ճիշտ է։ Մենք նման դեպքեր ենք ունեցել։ Այսինքն՝ տղաները, ովքեր մեր վիրավոր զինվորներին առաջագծից են տեղափոխում, նրանց էլ են հարվածում, և նրանք էլ դառնում են մեր հիվանդները», — ՌԻԱ Նովոստիին պատմել է «Դնեպր» զորախմբի ռազմական հոսպիտալի վիրաբուժական բուժքույրը՝ «Կլաուս» զանգանունով։ Բժիշկների խոսքով՝ Ուկրաինայի զինված ուժերի կողմից բժիշկներին ու վիրավորներին հատուկ հարվածելու դեպքերը հազվադեպ չեն։ Երբեմն տարհանման խմբերի վիրավոր անդամներն իրենք են դառնում ռազմական հոսպիտալների հիվանդներ։ «Մեզ մոտ են բերել սանիտարական հրահանգիչների, այսինքն՝ վիրավոր սպայի, բժշկի, նույնիսկ երկու անգամ է պատահել։ Առաջին անգամ նա ծանր վիրավորվել էր, այսինքն՝ նա զինվորին տարհանման էր տանում, և նրան էլ են հարվածել։ Դե, այդ զինվորին էլ են հասցրել, նա ողջ ու առողջ է, և մեր գործընկերն էլ ողջ է, հիմա նորից աշխատում է։ Բուժվել է և նորից գործում է», — հայտնել է բուժքույրը։