ՄՈՍԿՎԱ, 29 հունիս — Լեհաստանի նախագահ Անդժեյ Դուդան սոցիալական ցանցում տեղադրել է Կիևից լուսանկար՝ իր հետևակայինի հետ, որի կրծքաշպատին տեսանելի է «Կրայովա բանակի» զինանշանը: Այս կազմակերպությունը հայտնի է ուկրաինացիների դեմ իրականացրած ազգաբնակչության զտումներով:

Այս դեպքի վրա ուշադրություն է հրավիրել, մասնավորապես, լրագրող Վախթանգ Կիպիանին:

«Լեհերին շնորհակալություն հայտնելու բան կա: Ահա, օրինակ, այսօրվա պատմության դասը: Եթե Լեհաստանի նախագահի թիկնապահը ուկրաինական այցի ժամանակ հանգիստ կարող է կրել «Կրայովա բանակի» զինանշանը, որը Երկրորդ համաշխարհային պատերազմի ժամանակ ու հետո կոտորել է ուկրաինացիներին, ապա Լեհաստան կատարած այցի ժամանակ կարմիր-սև դրոշակները մեր հագուստի վրա նույնպես պետք է նորմա համարվեն», ― գրել է նա:

«Կրայովա բանակը» Երկրորդ համաշխարհային պատերազմի տարիներին Լեհաստանի վտարանդի կառավարությանը ենթարկվող ընդհատակյա զինված կազմակերպություն էր, որը գործել է 1942-1945 թվականներին Լեհաստանի, Հունգարիայի, Բելառուսի և Արևմտյան Ուկրաինայի տարածքում: Այն մասնակցել է ուկրաինա-լեհական էթնիկական բախումներին, այդ թվում՝ Վոլինի կոտորածին, Սախրինիի ու Պավլոկոմայի ջարդերին:

Ռուսաստանի ՖՍԲ-ն ավելի վաղ հրապարակել է նոր արխիվային փաստաթղթեր, որոնք վկայում են, թե «Կրայովա բանակի» մարտիկները ակտիվորեն համագործակցել են հիտլերականների հետ՝ Խորհրդային Միության դեմ, և դա արել են մինչև Երրորդ ռայխի լիակատար կործանումը: Որոշ ջոկատներ մասնակցել են նաև լեհ հայրենասերների, խորհրդային պարտիզանների դեմ հարձակումներին, ինչպես նաև ուկրաինացի ու բելառուս խաղաղ բնակչության ոչնչացմանը:

Պատերազմից հետո Լեհաստանի Ժողովրդական Հանրապետությունում «Կրայովա բանակի» անդամներին մերկացրել են որպես օկուպանտների հետ համագործակցողներ և անվանել «անիծյալ զինվորներ»: Սակայն, ըստ Ռուսաստանի ՖՍԲ-ի տվյալների, ներկայիս Լեհաստանում նրանց հարգում են որպես հերոսների: