ԵՐԵՎԱՆ. Իսրայելի պաշտպանության բանակը (ԾԱՀԱԼ) հայտարարել է, որ Հարավային Լիբանանում վերացրել է «Հեզբոլլահ» շիա կազմակերպության մարտիկին, որը պատասխանատու էր «Ռադվան» հատուկ ջոկատում հետախուզության համար։

«Շաբաթ օրը ԾԱՀԱԼ-ը հարված է հասցրել և վնասազերծել է ահաբեկիչ Աբբաս ալ-Հասան Վահբիին՝ Հարավային Լիբանանի Մահրուն քաղաքի մոտ»,- ասված է ԾԱՀԱԼ-ի հաղորդագրության մեջ։

Ըստ ԾԱՀԱԼ-ի՝ նա «Ռադվան» ջոկատում զբաղվում էր հետախուզությամբ, ինչպես նաև մասնակցում էր «Հեզբոլլահ»-ի ամրապնդման և զենքի մատակարարման գործընթացներին։

2023 թվականի հոկտեմբերի 7-ին Իսրայելը Գազայի հատվածից աննախադեպ մասշտաբի հրթիռային հարձակման է ենթարկվել։ Դրան հաջորդել է, որ Պաղեստինի ՀԱՄԱՍ շարժման մարտիկներն ներխուժել են սահմանամերձ տարածքներ, կրակ բացել զինծառայողների ու քաղաքացիների վրա և գերեվարել 200-ից ավելի մարդկանց։

Իսրայելի իշխանությունների տվյալներով՝ այդ օրերին երկրում զոհվել է մոտ 1200 մարդ։

Որպես պատասխան՝ Իսրայելի պաշտպանության բանակը սկսել է «Երկաթե սրեր» գործողությունը՝ հարվածներ հասցնելով քաղաքացիական օբյեկտներին և ամբողջությամբ շրջափակել Գազայի հատվածը՝ դադարեցնելով ջուր, էլեկտրաէներգիա, վառելիք, սննդամթերք և դեղեր մատակարարելը։

Բախումները, որոնք ընդհատվել են կարճաժամկետ զինադադարներով, հարուցել են ավելի քան 56 հազար պաղեստինցու և մոտ 1,5 հազար իսրայելցու մահ, տարածվել Լիբանան և Եմեն, ինչպես նաև հրթիռային հարվածների փոխանակման առիթ է դարձել Իսրայելի և Իրանի միջև։