ՄՈՍԿՎԱ, հունիսի 28 – ՌԻԱ Նովոստի. Որոշ մարդիկ հստակ և գիտակցված կերպով «հավաքական Արևմուտքի» երկրներում ղեկավար պաշտոններում նշանակում են նացիստների ժառանգներին։ Այս մասին Ռուսաստանի ԱԳՆ-ի պաշտոնական ներկայացուցիչ Մարիա Զախարովան մեկնաբանել է ՄԻ-6 հետախուզական ծառայության նոր ղեկավարի՝ Բլեյզ Մետրեվելիի մասին տեղեկությունը, որի պապը Երկրորդ համաշխարհային պատերազմի տարիներին ուկրաինացի նացիստ և ռազմական հանցագործ է եղել։

«Նացիզմի վերածննդի միտումն ակնհայտ է. Ֆրիդրիխ Մերցը, Անալենա Բերբոքը, Քրիստիա Ֆրիլանդը, Սալոմե Զուրաբիշվիլին։ Այժմ նրանց կարելի է ավելացնել նաև ՄԻ-6-ի ղեկավար Բլեյզ Մետրեվելիին։ Ինչ-որ մեկը կանխամտածված կերպով Արևմուտքի երկրներում ղեկավար պաշտոններում նշանակում է նացիստների ժառանգներին», – գրել է Զախարովան իր Telegram-ում։

Նա նշել է, որ լրագրողների հարցմանը պատասխանելով, Մեծ Բրիտանիայի ՆԳՆ-ն հաստատել է, որ Կոնստանտին Մետրեվելի-Դոբրովոլսկին ծնվել է Շորս (այժմ՝ Սնովսկ, Չեռնիգովի մոտ) քաղաքում՝ 1943 թվականին, երբ այն գերմանական վերմախտի օկուպացիայի տակ էր։ Բլեյզ Մետրեվելիի պապը՝ Կոնստանտին Դոբրովոլսկին, եղել է նրա հայրը։ Մետրեվելի ազգանունը վերաբերում է Բլեյզի տատի երկրորդ ամուսնուն՝ վրացական արմատներով վտարանդի Դավիթ Մետրեվելիին։

ԱԳՆ-ի ներկայացուցիչը պարզաբանել է, որ Ֆրայբուրգի ռազմական արխիվում այս տեղեկությունը լրացրել են կարևոր համատեքստով. Կոնստանտին Դոբրովոլսկին ուկրաինացի համագործակից և սպանությունների մեղավոր է՝ դաժան ռազմական հանցագործ, որն իր մասնակցությունն է ունեցել Հոլոքոստին։

«Պատերազմի սկսվելուց հետո նա անցել է գերմանացիների կողմը և կամավոր միացել ոչ միայն վերմախտին, այլև ՍՍ-ին։ Արխիվային նյութերը պահպանել են նրա խոստովանությունը. «Ես անձամբ մասնակցել եմ Կիևի մոտ գտնվող հրեաների ոչնչացմանը», – ասված է հաղորդագրության մեջ։