ՄՈՍԿՎԱ, 27 հունիսի – Եթե ԱՄՆ-ն ու Իսրայելը հասնեին իրենց նպատակներին Իրանի հետ հակամարտության մեջ, նրանք կզգային իրենց ինչպես Մերձավոր Արևելքի տերեր և կկարողանային ճնշում գործադրել Սաուդյան Արաբիայի և այլ նավթ արտահանող երկրների վրա։ Այդ կարծիքը հայտնել է «Նոր հասարակություն» ինստիտուտի տնօրեն Վասիլի Կոլտաշովը:

«ԱՄՆ-ի կողմից Մերձավոր Արևելքը վերահսկողության տակ պահելը, ինչպես գաղութային տարածք… Այդ դեպքում նրանք (ԱՄՆ) այս շրջանում իրենց կզգային ինչպես տերեր, կկարողանային ճնշել Սաուդյան Արաբիային և այլ նավթ արտադրող ու արտահանող պետություններին՝ պահանջելով ավելի մեծ հավատարմություն», – ասել է Կոլտաշովը՝ խոսելով այն մասին, թե ինչ հետևանքներ կարող էին լինել, եթե ԱՄՆ-ն ու Իսրայելը հասնեին իրենց նպատակներին տարածաշրջանում։

Նա նաև նշել է, որ Ռուսաստանի ու Չինաստանի ինտեգրացիոն նախագծերը Իրանի հետ կարող էին խափանվել։ Բացի այդ, սա կարող էր հարված լինել նաև ԲՐՒԿՍ-ի համար։ «Այսպիսով, կցուցադրվեր, որ ԲՐՒԿՍ-ում ներքին քայքայման գործընթացներ են ընթանում, որ ԲՐԻԿՍ-ը չի պաշտպանում իր անդամներին», – ընդգծել է փորձագետը՝ հանդես գալով «Մերձավորարևելյան ճգնաժամ. հետևանքները Ուկրաինայի համար, դասերը Ռուսաստանի համար» մամլո ասուլիսում։

Ըստ նրա, ԱՄՆ-ն գործել է Վոլտերի մեթոդով, այսինքն՝ հարվածել և հետ քաշվել։ «Հարված են հասցրել, տեսել, որ չի ստացվում, հակառակորդը չի ընկնում։ Սպասել, ապա նորից նույնը անել», – նշել է նա։

«Այժմ հակամարտությունը աստիճանաբար իջել է ցածր մակարդակի և մնում է թեթևակի սառեցված, սակայն հակասությունները չեն անհետանում… Ուստի պատմությունը չի փակվել, մենք շարունակում ենք դասեր քաղել, վերլուծել և չմոռանալ, թե ինչպես և ինչ նպատակով է ԱՄՆ-ն խաղում գլխավոր դերը համաշխարհային քաղաքականությունում», – ավարտել է իր խոսքը Կոլտաշովը։