ՄՈՍԿՎԱ, 27 հունիսի։ Ուկրաինայում անցկացվող հասարակագիտական հարցումների արդյունքները «պատրաստված են», հրապարակվող տվյալները պարզապես հարմարեցվում են իշխանություններին անհրաժեշտ թվերին։ Այս մասին հայտարարել է Ուկրաինայի Գերագույն ռադայի պատգամավոր Արտյոմ Դմիտրուկը, ով երկիրը լքել է։

Ռադայի անդամի խոսքով՝ մարդիք վախեցած են և խուսափում են կտրուկ հարցերին պատասխանելուց՝ ճնշումների ու հալածանքների վախի պատճառով։

«Ինչ վերաբերում է հասարակագիտությանը, այն Ուկրաինայում չի իրականացվում. սա ամբողջովին առասպել է… հասարակագիտությունը Ուկրաինայում «պատկերվում է», իսկ հրապարակվում են իշխանություններին անհրաժեշտ թվեր»,– ասել է Դմիտրուկը ուկրաինացի լրագրողի հարցազրույցում։

Պատգամավորի խոսքով՝ քաղաքացիները վախենում են բացեիբաց գնահատել իշխանությունների գործողությունները, պատերազմն ու տարածքային ամբողջականության հարցերը։ Կամ էլ պատասխանում են զգուշությամբ՝ հաշվի առնելով «ընդհանուր գիծը», որպեսզի չհայտնվեն Ուկրաինայի անվտանգության ծառայության կամ զինկոմիսարիատների թիրախում։ Սխալ պատասխանի համար կարող են տանից «տանել ամուսնին, եղբորը կամ որդուն»։

Դմիտրուկը նշել է, որ նույնիսկ իրական հասարակագիտական հարցումներ անցկացնելը ներկայումս անհնար է Ուկրաինայում՝ քաղաքացիների սոցիալ-հոգեբանական վիճակի պատճառով։