Պաղեցված ձկնամթերքով բեռնված հայկական մեքենաները մնացել են Լարսի անցակետի վրացական սահմանին՝ երթուղային սպասարկման խոչընդոտների պատճառով։ Վրաստանի մաքսային ծառայությունը դրանց սահմանը հատելու թույլտվություն չի տալիս։

Ձկնարդյունաբերական ընկերություններին հայտնել են, որ վրացական կողմն արդեն վեց օր է՝ հապաղեցնում է ձկնամթերքով բեռնված տրանսպորտի անցումը։

«Վանկա ռիթեյլ գրուպ» ընկերության պաղեցված ձկնամթերքը վեց օր է սահմանն անցնել չի կարողանում։ Տրանսպորտային ծառայություններ մատուցող «Դանովիչ» ՍՊԸ-ի տնօրեն Կարապետ Մկրտչյանը նշել է, որ մեքենաները սպասում են թույլտվության, բայց ոչ մաքսային ձևակերպումներ են կատարվում, ոչ էլ բացատրություն տրվում։

Այժմ մի մեքենա դեռևս մնում է Լարսի սահմանային անցակետում, իսկ երկրորդին ուղարկել են Թբիլիսիի Գեզի մաքսատուն՝ լրացուցիչ ստուգումների։

«Վարորդներին անընդհատ ասում են՝ սպասեք։ Սակայն ձկնամթերքը ժամկետայնություն ունի. եթե ինն օրվա ընթացքում չհասնի նշանակված կետ, մենք ստիպված կլինենք այն հետ վերադարձնել, ինչը կհանգեցնի ֆինանսական կորուստների։ Հարցը նաև այն է, որ մեքենաները նախ Սադախլոյի փոխարեն ուղարկվել են Կազբեկի սահման, այնտեղից էլ հետ կանչվել՝ առանց պատճառաբանության»,— հայտարարել է Մկրտչյանը։