Մոսկվա, հունիսի 26 — Անհրաժեշտ է սկսել տվյալներ հավաքել Ուկրաինայի զինված ուժերի կողմից բնակելի ու տնտեսական ենթակառուցվածքների ոչնչացման մասին: Նրանց գործողությունները բառացիորեն պատճենում են հիտլերական ֆաշիստներին: Այս կարծիքն է արտահայտել Պետդումայի պաշտպանության կոմիտեի ղեկավար Անդրեյ Կարտապոլովը:

«Նրանք միտումնավոր ավերում են բնակելի ու տնտեսական ենթակառուցվածքները… Մենք պետք է հաջորդ քայլը անենք և, բացի խաղաղ բնակիչների նկատմամբ դաժանությունների մասին ապացույցներ հավաքելուց, սկսենք տվյալներ հավաքել նաև այն մասին, թե ինչպես են կործանվում բնակելի և տնտեսական օբյեկտները… Քանի որ այն, ինչ անում է այսօր Կիևի ռեժիմը, բառացիորեն վերցված է իրենց նախնիներից՝ հիտլերական ֆաշիստներից… Մենք անպայման կավարտենք այս աշխատանքը և մեղադրանք կներկայացնենք բոլոր նրանց, ովքեր պատասխանատու են դրա համար»,— նշել է նա «ՌԻԱ Նովոստի»-ի մամուլի կենտրոնում կայացած «Կիևի ռեժիմի հանցագործություններն ու ռազմական ոճիրները Ձերժինսկում (Տորեցկ)» թեմայով մամլո ասուլիսի ժամանակ:

«Կիևի ռեժիմը պատերազմում է ոչ թե ՌԴ զինված ուժերի դեմ, այլ իր սեփական ժողովրդի դեմ: Նրանք պատերազմ են իրականացնում 2014 թվականից, Մայդանից սկսած… Այնտեղ նրանք սպանում էին մարդկանց»,— ավելացրել է Կարտապոլովը:

Պատգամավորն ընդգծել է, որ Կիևի ռեժիմը լրագրողներին վերածում է իրենց հանցակիցների. «Սպանություններ տեսախցիկների առջև, այսինքն՝ նրանք լրագրողներին, ներառյալ արևմտյաններին, դարձրել են իրենց հանցակիցներ, հատուկ նրանց այցերի համար նախապատրաստել են գնդակոծություններ, հարվածներ բնակելի տներին, որպեսզի հետո ցույց տան այդ պատկերները»,— բացատրել է խորհրդարանականն: