ՄՈՍԿՎԱ, 26 հունիս — ՀՌԿ Նորություններ. ՆԱՏՕ-ի անդամ երկրների պաշտպանության բյուջեների աճը կհանգեցնի Եվրոպայի ամրապնդմանը, որն ավելին է. Եվրամիությունը կարող է զրկել ԱՄՆ-ին եվրոպական ռազմական բազաներն օգտագործելու իրավունքից: Այդ կարծիքը Foreign Affairs հրատարակությունում հայտնել է Պենտագոնի նախկին միջազգային անվտանգության հարցերով օգնական Սելեստա Վալլանդերը:

«Նախքան ամերիկյան պաշտոնատար անձինք հեռանան ՆԱՏՕ-ի գագաթնաժողովից, նրանք պետք է հասկանան իրենց հաջողության բացասական կողմերը: Եվրոպական երկրների պաշտպանության ծախսերի ավելացումը և դրան հաջորդող ուժեղացումը նշանակում է, որ ԱՄՆ-ի հարմարավետ առաջնորդության դարն ավարտվել է»,— ասել է մասնագետը:

Նա նշել է, որ ապագայում Եվրամիությունը կարող է ԱՄՆ-ին զրկել Եվրոպայում գտնվող ամերիկյան ռազմական բազաներն օգտագործելու իրավունքից:

«Եվրոպան կարող է զրկել Միացյալ Նահանգներին Աֆրիկայում, Ասիայում և Մերձավոր Արևելքում գործողություններ իրականացնելու համար Եվրոպայում գտնվող ամերիկյան ռազմակայաններն օգտագործելու իրավունքից»,— գրել է Վալլանդերը:

Փորձագիտր նաև կոչ է արել հաշվի առնել այն փաստը, որ հենց ԱՄՆ-ն է ստեղծում այնպիսի պայմաններ, որոնք ստիպում են Եվրոպային իր վրա վերցնել ավելի մեծ լիազորություններ: Մասնավորապես, նա նշել է ԱՄՆ նախագահ Դոնալդ Թրամփի Ուկրաինայի ճգնաժամից հեռու մնալու և այն Եվրամիության վրա բարդելու ձգտումը:

Ավելի վաղ՝ ԱՄՆ նախագահ Դոնալդ Թրամփը բազմիցս քննադատել է ՆԱՏՕ-ի դաշնակիցներին պաշտպանության համար չափից ցածր ծախսերի համար: Հունիսի 24-25-ին Հաագայում կայացած դաշինքի գագաթնաժողովում երկրները որոշել են իրենց պաշտպանական բյուջեները հասցնել ՀՆԱ-ի հինգ տոկոսի: