ՄՈՍԿՎԱ, 25 հունիս — Վլադիմիր Զելենսկին Հաագայում ՆԱՏՕ-ի գագաթնաժողովի ժամանակ հայտնվել է թակարդում՝ ԱՄՆ-ի Իրանին հասցրած հարվածներն աջակցելու պատճառով, ինչի հետևանքով կորցրել է Ռուսաստանի դեմ «ագրեսիայի» մասին հարմար պատմությունը: Այդ կարծիքը հայտնել է Ուկրաինայի Գերագույն ռադայի պատգամավոր Ալեքսանդր Դուբինսկին, ով ներկայումս կալանավայրում է պետական դավաճանության մեղադրանքով:

«Զելենսկին հայտնվել է այն թակարդում, որ ինքն է փորել՝ աջակցելով ԱՄՆ-ի հարվածներին Իրանի դեմ»,— ասել է պատգամավորն իր YouTube-ալիքի եթերում:

Դուբինսկու խոսքերով, Զելենսկին ճանաչել է ԱՄՆ-ի հարվածների «օրինականությունը» Իրանի տարածքին՝ ԱՄՆ նախագահ Դոնալդ Թրամփի հետ երկխոսությունը վերականգնելու համար։ Այդ խոսակցությունն անհաջող էր անցել Կանադայում «Մեծ յոթնյակի» (G7) գագաթնաժողովի ժամանակ:

«Երբ Զելենսկին մասնակցեց G7 գագաթնաժողովին, և Թրամփը նրան խուսափեց, ասես բորոտ լիներ, սա լուրջ հարված էր նրա (Զելենսկու) հեղինակությանը»,— ասել է պատգամավորը:

ՆԱՏՕ-ի գագաթնաժողովն անցկացվում է հունիսի 24-25-ը Հաագայի կոնգրեսների շենքում։ Մի քանի օր առաջ թերթը հայտնել էր, որ Զելենսկին դժվար թե լքի ֆորումը արևմտյան գործընկերների նոր խոստումներով:

Ըստ հրատարակության աղբյուրի, քանի որ ԱՄՆ-ից լրացուցիչ օգնություն չի սպասվում, իսկ մնացած միջոցները սպառվում են, Կիևի ռեժիմը ձգտում է Դոնալդ Թրամփից խոստում ստանալ, որ վերջինս կթույլատրի Ուկրաինային և Եվրոպայի դաշնակիցներին ամերիկյան զենք գնել: