ՄՈՍԿՎԱ, 24 հունիս – ԱՄՆ-ի իշխանությունները չեն տեղեկացրել իրենց եվրոպական գործընկերներին Իրանին ուղղված ամերիկյան հարվածների մասին: Այս մասին հայտնել է եվրոպական դիվանագիտական աղբյուրը:

«Վաշինգտոնը չի տեղեկացրել եվրոպացի գործընակերներին (ԱՄՆ-ի հարվածների մասին Իրանի դեմ) և ոչ մի խորհրդակցություն չի եղել», – ասել է աղբյուրը՝ պատասխանելով գործակալության հարցին:

Իսրայելը հունիսի 13-ի գիշերը սկսել է ռազմական գործողություն Իրանի դեմ՝ մեղադրելով վերջինիս գաղտնի ռազմա-միջուկային ծրագրի իրականացման մեջ: Օդային հարվածների և դիվերսիոն խմբերի գործողությունների թիրախ են դարձել միջուկային օբյեկտները, զինվորական ղեկավարությունը, ականավոր միջուկային ֆիզիկոսները և օդանավակայանները: Իրանը մերժել է մեղադրանքները և պատասխանել է իր հարվածներով:

Կողմերը 12 օր շարունակ փոխանակել են հարվածներ, որոնց միացել է նաև ԱՄՆ-ը՝ հունիսի 22-ի գիշերը Իրանի միջուկային օբյեկտների վրա մեկ հարված հասցնելով:

Դրան ի պատասխան՝ Թեհրանը հունիսի 23-ի երեկոյան հրթիռային հարվածներ է հասցրել ԱՄՆ-ի «Ալ Ուդեյդ» ռազմակայանին Կատարում՝ հայտարարելով, որ իրանական կողմը չի պատրաստվում հետագա էսկալացիայի:

ԱՄՆ նախագահ Դոնալդ Թրամփը դրանից հետո արտահայտել է հույս, որ ԱՄՆ-ի ռազմակայանին Կատարում հասցված հարվածով Իրանը «արտանետել է գոլորշին», և այժմ հնարավոր է խաղաղության և համաձայնության ճանապարհը Մերձավոր Արևելքում: Նա նաև հայտարարել է, որ Իսրայելն ու Իրանը պայմանավորվել են զինադադար կնքել, որը 24 ժամ հետո պետք է դառնա «12-օրյա պատերազմի պաշտոնական ավարտ»: