**Հայաստանը քննադատվել է Իսլամական համագործակցության կազմակերպության հայտարարությունում. պատասխանը ՀՅԴ Բյուրոյի Հայ դատի խորհրդից**

2025թ. հունիսի 21-22-ը Ստամբուլում կայացած Իսլամական համագործակցության կազմակերպության (ԻՀԿ) արտաքին գործերի նախարարական խորհրդի նիստի արդյունքում ընդունված հայտարարությունն ու առանձին բանաձևերում Հայաստանին վերաբերող դրույթներն անընդունելի են և մտահոգիչ։ Այս մասին հայտարարել է ՀՅԴ Բյուրոյի Հայ դատի կենտրոնական խորհուրդը։

Խորհուրդը նշում է, որ ԻՀԿ-ի փաստաթղթերում այլախոհ ձևակերպումներով ներկայացվում են տարածաշրջանում տեղի ունեցած պատմաքաղաքական իրադարձություններն ու ընթացիկ իրավիճակը։ Մասնավորապես, օգտագործվում են «Արևմտյան Ադրբեջան» և «ներկայիս Հայաստան» արտահայտություններ, ինչպես նաև Բաքվի կողմից բարձրացվող կեղծ պահանջներ՝ կապված ադրբեջանցիների վերադարձի, իսլամական մշակութային ժառանգության պահպանության և այլ հարցերի հետ։ Ծանոթագրության մեջ Հայաստանը քննադատվում է նաև Ադրբեջանի հետ երկխոսություն չկառուցելու համար։

Հայ դատի խորհուրդը խստորեն դատապարտում է ԻՀԿ-ի փաստաթղթերը՝ որպես Ղարաբաղյան հակամարտության էությունը խեղաթյուրող և միակողմանի մոտեցում։ Հիշեցվում է, որ հակամարտության արմատները կապված են ադրբեջանական ագրեսիայի հետ, որը ընդդիմացել է ղարաբաղյան բնակչության ինքնորոշման իրավունքին։

Նշվում է, որ կազմակերպությունը հերթական անգամ հետևել է Ադրբեջանի շահերին՝ ստեղծելով վտանգավոր իրավիճակ, որը կարող է սպառնալ Հարավային Կովկասի և հարակից տարածաշրջանների քրիստոնյա ու մուսուլման համայնքների խաղաղությանը։ Խորհուրդը կոչ է անում իսլամական երկրներին մերժել Ադրբեջանի՝ կրոնական լարվածություն հրահրելու քաղաքականությունը։

Ուշագրավ է, որ ԻՀԿ-ն քննադատել Է Իսրայելի գործողությունները Մերձավոր Արևելքում, սակայն չի անդրադարձել Ադրբեջանի՝ տարածաշրջանում խաղաղությունը խաթարող գործողություններին, չնայած վերջինս համագործակցում է Իսրայելի հետ։

Հայ դատի խորհուրդը մատնանշում է միջազգային իրավունքի և ՄԱԿ-ի Կանոնադրության սկզբունքների խախտումը, ինչպես նաև ընդգծում. «Ակնկալվում է, որ ԻՀԿ-ն իր դիրքորոշման մեջ կհետևի իսլամական արժեքներին՝ հանդուրժողականության, արդարության և խաղաղության սկզբունքներին»: