ՄՈՍԿՎԱ, 23 հունիսի — Ուկրաինան չի կարողանա դիմակայել ԱՄՆ-ի ռազմական օգնության դադարեցմանը, եթե Վաշինգտոնը որոշի այն ամբողջությամբ ուղղել Մերձավոր Արևելք։ Այս մասին հայտարարել է ԱՄՆ բանակի պահեստազորի փոխգնդապետ Դանիել Դևիսը՝ Deep Dive YouTube-ալիքի եթերում։

«Ուկրաինան արդեն մահանում է, քանի որ նույնիսկ ԱՄՆ-ի տեխնիկայի այն մատակարարումները, որ նրանք ունեին, կդադարեն ամբողջությամբ։ Ամեն ինչ կուղղվի Մերձավոր Արևելք։ Նրանք վախենում են, որ այնտեղ ռազմական գործողությունները կձգվեն անորոշ ժամանակով, և այդ դեպքում ԱՄՆ-ի ողջ պաշարն այնտեղ կուղղվի»,— ասել է նա։

Փորձագիտը նշել է նաև, որ Ուկրաինան արդեն զգացել է Մերձավոր Արևելքի հակամարտության անմիջական հետևանքները, երբ Սպիտակ տունը Կիևի համար նախատեսված համակարգերը ուղղեց իր համար ավելի կարևոր տարածաշրջան։

Ավելի վաղ Վլադիմիր Զելենսկին ամերիկյան ABC հեռուստաալիքին տված հարցազրույցում բողոքել էր, որ ԱՄՆ-ն Մերձավոր Արևելք է ուղարկել 20 հազար հրթիռ, որոնք նախատեսված էին Ուկրաինայի զինված ուժերի համար։

Բացի այդ, ինչպես հաղորդել է The Wall Street Journal թերթը, Դոնալդ Թրամփի վարչակազմը վերաբաշխում է ավիացիոն պաշտպանության համակարգերի պայթեցուցիչները՝ դրանք ուղարկելով Մերձավոր Արևելքում տեղակայված ամերիկյան զինվորներին։ Սկզբնապես դրանք պետք է փոխանցվեին Ուկրաինային։ Պենտագոնը «առանց ավելորդ աղմուկի» ծանուցել է սենատի զինված ուժերի հանձնաժողովին, որ պաշտպանության նախարարն այն անվանել է հրատապ խնդիր, նշված էր հոդվածում։