Գյումրիի կալանավորված համայնքապետ Վարդան Ղուկասյանն իր նամակով կալանավայրից ներկայացել է հանրությանն ու իր համաքաղաքացիներին:

«Ազատությունից զրկվելու օրերի ընթացքում չկարողացա զորակցությունս ու երախտագիտությունս հայտնել բոլոր գյումրեցիներին և գյումրի հասած հայրենակիցներին, ովքեր 2025 թվականի հոկտեմբերի 20-ին միասին պաշտպանում էին մեր քաղաքը:

Սիրելի՛ հայրենակիցներ, դուք կարևոր դեր խաղացիք՝ հաստատակամությամբ ու խաղաղ բողոքի ձայնով՝ քաղաքապետարանում և քաղաքապետարանից դուրս: Դուք Վարդանանց հրապարակում, հայկական երկու սրբազան տաճարների զանգերի ներքո, արտահայտեցիք ձեր ընդվզումը՝ դեմ դուրս գալով բռնություններին և ոստիկանության գործողություններին:

Իմ զորակցությունն եմ հայտնում ազատությունից զրկված իմ բոլոր հայրենակիցներին, աշխատակիցներին և Գյումրու քաղաքապետարանի աշխատակիցներին: Ինձ տեղեկացրել են, որ Վարդանանց հրապարակում բողոքի մասնակիցների նկատմամբ դատարանում քննվում են կալանքի միջնորդությունները:

Ես զորակցությունս եմ հայտնում բոլոր նրանց, ովքեր անհիմն մեղադրանքների զոհ են դարձել և դատապարտում են նրանց դեմ իրականացվող ապօրինի հետապնդումները:

Սիրելի գյումրեցիներ, անհոգ եղեք, թեև ընդհատվել են մեր շաբաթական հանդիպումները, բայց այս ժամանակավոր ընդհատումը կհավասարվի քաղաքապետարանի աշխատակազմի կողմից: Ե՛վ հույս, և՛ հավատք, և՛ սեր»: