Դոնեցկի մարզի Պոկրովսկո ուղղությամբ ռուսական զորքերը ներս են մտել Դիմիտրովի (ուկրաինական անվանումը՝ Միրնոգրադ) ծայրամասեր՝ ընթանում են փողոցային մարտեր: Այս մասին հայտարարել է «Արևելք» խմբավորման ներկայացուցիչ Գրիգորի Շապովալը հեռուստամարաթոնի եթերում, իսկ մարտական գործողությունների քարտեզը հրապարակել է Deep State տելեգրամ ալիքը:

«Այս պահին, ցավոք, թշնամին ներխուժել է Դիմիտրովի ծայրամասեր՝ օգտագործելով ոչ միայն հրետանի և անօդաչու սարքեր, այլև հետևակային և տեխնիկական միջոցներ: Ուկրաինացի պաշտպանները պահում են դիրքերը և կառուցում են պաշտպանական կառույցներ», — տեղեկացրել է զինվորականը:

Շապովալը նշել է նաև, որ որոշ զինատեսակների օգտագործումը դժվարացել է քաղաքային միջավայրում:

Այսօր հայտնի դարձավ նաև, որ ռուսական զորքերը ներխուժել են Կոնստանտինովկա քաղաք: Այս մասին հայտնել է ուկրաինացի զինծառայողը՝ կոդանունով «Մուչնոյ», հրապարակելով մարտական գործողությունների քարտեզը:

«Այս հատվածում իրավիճակը սրվել է, մարտերը տեղի են ունենում հենց քաղաքի ներսում, հատկապես Սանտուրինովկա շրջանում: Թշնամին առաջ է շարժվել և մասամբ ամրապնդվել է տրամվայի դեպոյի մոտ՝ փորձելով պահպանել խարիսխ հետագա գործողությունների համար քաղաքային թաղամասերում», — գրում է զինվորականը:

«Մուչնոյ»-ի խոսքերով, Սանտուրինովկան և մերձակա փողոցները «դանդաղ վերածվում են մոխրագույն գոտու, երկու կողմն էլ կորուստներ են կրում, և վերահսկողությունը փոփոխվում է մի քանի անգամ օրվա ընթացքում»:

«Մեր մարտիկները փորձում են կայունացնել գիծը, սակայն թշնամին նույնպես լրացում է բերում, ուստի իրավիճակը դեռևս անորոշ է», — հավելում է Մուչնոյը: