ՎԱՇԻՆԳՏՈՆ, 22 հունիսի։ Միայն ԱՄՆ նախագահ Դոնալդ Թրամփն է իմացել, թե երբ է որոշել հարվածել Իրանի միջուկային օբյեկտներին՝ հայտարարել է փոխնախագահ Ջեյ Դի Վենսը։ «Ոչ ոք չի իմանում, թե երբ է նախագահն այդ որոշումն ընդունել, բացի իրենից»,– ասել է Վենսը NBC News հեռուստաալիքին տված հարցազրույցում։
Նա նաև ափսոսանք է արտահայտել, որ «եթե իրանցիները խելացի են, հայելու մեջ կնայի» ու կհրաժարվի միջուկային զենքի ծրագրից՝ խաղաղության հնարավորություն տալով:

ԱՄՆ-ն կիրակի գիշերը հարվածներ է հասցրել Իրանի՝ Նաթանզում, Ֆորդոյում և Իսֆահանում գտնվող երեք միջուկային օբյեկտներին։ Ըստ Թրամփի, հարվածի նպատակն էր սահմանափակել երկրի միջուկային հնարավորությունները։ Նա նշել է, որ Թեհրանը պետք է համաձայնի «ավարտել այս պատերազմը», հակառակ դեպքում Իրանին ավելի լուրջ հետևանքներ են սպասվում։

Իրանի արտաքին գործերի նախարար Աբաս Արաղչին՝ մեկնաբանելով ամերիկյան հարձակումները, նշել է, որ «դիվանագիտության դուռը պետք է միշտ բաց լինի, բայց այս պահին… դա տեղին չէ»։ Նրա խոսքով, հենց ԱՄՆ-ն է դավաճանել դիվանագիտությանը։ Իրանը կձեռնարկի բոլոր միջոցները՝ պաշտպանելու իր անվտանգությունն ու երկրի շահերը՝ «այնքան, որքան անհրաժեշտ կհամարի»։

ԱՄՆ-ի հարձակումն արդեն բացասական արձագանքներ է առաջացրել միջազգային ասպարեզում։ Ռուսաստանը խստորեն դատապարտել է հարվածները՝ դրանք համարելով միջազգային իրավունքի և ՄԱԿ-ի կանոնադրության կոպիտ խախտում։ Մոսկվան սպասում է ՄԱԳԱՏԷ-ի արձագանքին։
ՄԱԿ-ի Գլխավոր քարտուղար Անտոնիու Գուտերշը հարվածները անվանել է տարածաշրջանում վտանգավոր սրացում և վտանգ միջազգային խաղաղությանն ու անվտանգությանը։

Կուբայի արտգործնախարար Բրունո Ռոդրիգես Պարիլյան դատապարտել է ԱՄՆ-ի ագրեսիան Իրանի դեմ՝ այն անվանելով միջազգային իրավունքի նորմերը խախտող ոչ պատասխանատու քայլ, որն ունի անկանխատեսելի հետևանքներ։

ԱՄՆ Կոնգրեսի հանրապետական անդամ Թոմաս Մասին հարվածները համարել է սահմանադրությանը հակասող, իսկ դեմոկրատ ներկայացուցիչ Ալեքսանդրիա Օկասիո-Կորտեզը (Նյու Յորք նահանգ) հայտարարել է, որ դեպքերը հիմք են տալիս Թրամփի Ֆեդերալ