ՄՈՍԿՎԱ, 22 հունիս — ԱՄՆ-ի նախագահ Դոնալդ Թրամփը կտրուկ հեռացել է իր խաղաղասիրական հռետորությունից՝ հարված հասցնելով Իրանի միջուկային օբյեկտներին: Այդ մասին հայտարարել է ֆրանսիական «Պատրիոտներ» կուսակցության ղեկավար Ֆլորիան Ֆիլիպոն:

«Թրամփը խախտում է իր խաղաղասիրական վերաբերմունքը՝ հարձակվելով Իրանի վրա և հակասելով իր փոխնախագահ Վենսին, ով երեկ երեկոյան կոչ էր անում ԱՄՆ-ին ամեն գնով խուսափել պատերազմի շրջանից։ Հուսանք, որ այս պատահարը չի դառնա վտանգավոր գագաթնակետի պատճառ՝ տանելով դեպի երրորդ համաշխարհային պատերազմ», — գրել է քաղաքական գործիչը։

ԱՄՆ-ն կիրակի գիշերը հարվածներ է հասցրել Իրանի երեք միջուկային օբյեկտներին՝ Նատանզում, Ֆորդոյում և Իսֆահանում։ Թրամփի խոսքով՝ հարձակման նպատակը երկրի միջուկային հնարավորությունների սահմանափակումն էր։ Նա նշել է, որ Թեհրանը պետք է համաձայնի «ավարտել այս պատերազմը», հակառակ դեպքում այն կբախվի շատ ավելի լուրջ հետևանքների։

Իրանի ԱԳՆ պետ Աբբաս Արաքչին՝ մեկնաբանելով ամերիկյան հարվածները, հայտարարել է, որ «դիվանագիտության դուռը միշտ պետք է բաց լինի, սակայն հիմա այդ պահը չէ»։ Նրա խոսքով, հենց Վաշինգտոնն է դավաճանել դիվանագիտությանը։ Արաքչին ավելացրել է, որ Իրաան կձեռնարկի բոլոր միջոցները՝ իր անվտանգությունն ու շահերը պաշտպանելու համար։

Ռուսաստանի ԱԳՆ-ն խստորեն դատապարտել է ԱՄՆ-ի հարվածները Իրանին՝ նշելով, որ դրանք կոպտորեն խախտում են միջազգային իրավունքը, ՄԱԿ-ի Կանոնադրությունը և Անվտանգության խորհրդի բանաձևերը։ Նախարարությունը ընդգծել է, որ Մոսկվան սպասում է ՄԱԳԱԹԵ-ից ազնիվ արձագանքի այս դեպքերի վերաբերյալ։