Ռուսաստանի Անվտանգության խորհրդի նախագահի տեղակալ Դմիտրի Մեդվեդևը Telegram-ում մեկնաբանել է ԱՄՆ-ի՝ Իրանի վրա իրականացրած գիշերային հարվածները։ Նա նշում է, որ նախագահ Դոնալդ Թրամփը, որը պաշտոնավարում է որպես խաղաղարար, իր երկրին նոր պատերազմ է ներքաշել։

Մեդվեդևի խոսքով՝ ԱՄՆ-ի հարձակումը Իրանի վրա հանգեցրել է մի շարք հետևանքների.

• Իրանի միջուկային ծրագրի կարևոր օբյեկտները չեն տուժել կամ վնասվել են աննշան,
• միջուկային նյութերի հարստացման և զենքի արտադրությունը շարունակվելու է,
• ոչ միայն միջուկային տեխնոլոգիաների զարգացումը, այլև այլ պետությունների կողմից Իրանի միջուկային զինամթերքի մատակարարման պատրաստակամությունն աճել է,
• Իսրայելում պայթյուններ են գրանցվում, իսկ բնակչությունը խուճապի մեջ է,
• ԱՄՆ-ն ստիպված կլինի մասնակցել նոր լայմածավալ հակամարտության,
• Իրանի ղեկավարությունը ոչ միայն պահպանվել է, այլև ամրապնդվել է բնակչության աջակցությամբ,
• Թրամփը, որը խոստանում էր խաղաղություն, ԱՄՆ-ին ներառել է նոր պատերազմում,
• աշխարհի մեծ մասը քննադատում է ԱՄՆ-ի և Իսրայելի գործողությունները։

Մեդվեդևը հեգնանքով նշել է, որ այսպիսի «հաջողություններով» Թրամփը չի կարող հույս ունենալ Նոբելյան խաղաղության մրցանակի՝ նույնիսկ հաշվի առնելով այդ մրցանակի քննարկվող կոռումպացվածությունը: