**Շիրակի մարզում գրանցվում է սննդամթերքի գնաճ. ՀՅԴ պատգամավորի հայտարարություն**

ՀՅԴ Շիրակի մարզային կոմիտեի ներկայացուցիչ, ԱԺ «Հայաստան» խմբակցության պատգամավոր Մհեր Մելքոնյանը նշում է, որ մարզում վերջին օրերին աճել է առաջին անհրաժեշտության ապրանքների գները։ Ըստ նրա, սա սոցիալական լուրջ խնդիր է, որն ուղղակի ազդեցություն ունի բնակչության վրա։

Նշվում է, որ հատկապես տուժում են սոցիալապես անապահով քաղաքացիները, որոնք կենցաղային ծանր պայմաններում են ապրում: Գնաճը նրանց համար լրացուցիչ ծանրաբեռնվածություն է ստեղծում։

Մելքոնյանը ընդգծում է, որ եկամուտների անփոփոխ լինելը՝ միաժամանակ ծախսերի աճի պայմաններում, խորացնում է սոցիալական անհավասարությունը և զգալիորեն նվազեցնում մարդկանց վստահությունը։

Պատգամավորի կարծիքով, պետությունը պետք է անհապաղ միջոցներ ձեռնարկի՝
— վերահսկելու հիմնական սննդամթերքի գները,
— կանխելու մոնոպոլիստական գործունեությունը և գնային արհեստական բարձրացումները,
— ապահովելու թափանցիկություն սննդամթերքի ներմուծման և վաճառքի բոլոր փուլերում։

Կարևորում է, որ առաջին անհրաժեշտության ապրանքների գնաճը սպառնում է երկրի սոցիալատնտեսական կայունությանը և առավել ծանր հետևանքներ ունի ցածր և միջին եկամուտ ունեցող խավերի համար։

Մելքոնյանը նշում է, որ բնակչության կենսամակարդակի անկումը խորացնում է անհավասարությունը: Ըստ նրա, պետությունը պարտավոր է կիրառել արդյունավետ քաղաքականություն, որը կսահմանափակի գնաճը և կհամալրի սոցիալական աջակցության համակարգը։

«Քաղաքացիների սոցիալական պաշտպանությունը պետք է լինի պետության առաջնահերթությունը։ Գնաճի կառավարումը այլևս պարզ անհրաժեշտություն չէ, այլ հրամայական է», ավելացրել է նա։