ՀՀ Սյունիքի մարզի Կապան քաղաքը ներառվել է 2026 թվականի ԱՊՀ երիտասարդական մայրաքաղաքների շարքում՝ ԱՊՀ ղեկավարների խորհրդի որոշմամբ: Այս մասին հաղորդում են ԿԳՄՍՆ-ից:
«ԱՊՀ երիտասարդական մայրաքաղաք» միջազգային նախաձեռնության շրջանակներում 2026 թվականին Կապանում նախատեսվում է իրականացնել բազմաբնույթ միջոցառումներ: Հատուկ ուշադրություն կդարձվի հետևյալ ծրագրերին՝
«ԱՊՀ երիտասարդական մայրաքաղաք» ծրագրի բացման արարողությունը,
ԱՊՀ-ի երիտասարդական ֆորում,
ԱՊՀ երիտասարդական ճամբարներ, դասընթացներ և կլոր սեղաններ,
Կապան քաղաքի երիտասարդական հնարավորությունների ցուցադրում,
ԱՊՀ երիտասարդության հարցերով խորհրդի նիստ,
Երիտասարդական մայրաքաղաք ծրագրի փակման արարողություն:
Նախարարությունը որոշել է համատեղել «ԱՊՀ 2026 թվականի երիտասարդական մայրաքաղաք» ու 2026 թ-ի Հայաստանի երիտասարդական մայրաքաղաք նախագծերի ֆինանսական և մարդկային ռեսուրսները: Դա կխթանի Կապանի՝ որպես ԱՊՀ երիտասարդական մայրաքաղաքի ճանաչումը և նպաստ կունենա երիտասարդական նախաձեռնությունների հետագա զարգացմանը՝ տեղական և տարածաշրջանային մակարդակներով: