ՄՈՍԿՎԱ, 22 հունիսի — ԱՄՆ-ն ու Իսրայելը մեկ տարի առաջ զորավարժություններ են անցկացրել՝ Իրանի միջուկային օբյեկտներին հարվածներ հասցնելու համար, ինչպիսին իրականացվել են կիրակի գիշերը։ Այս մասին հայտնել է ABC հեռուստաալիքը՝ հղում անելով աղբյուրների։

Նախկինում ԱՄՆ նախագահ Դոնալդ Թրամփը հայտարարել էր, որ ամերիկյան բանակը հաջողությամբ գործողություն է իրականացրել Իրանի Նետանզ, Ֆորդո և Իսֆահան քաղաքներում գտնվող երեք միջուկային օբյեկտների դեմ։ Նա նշել է, որ հարվածներից հետո Թեհրանը պետք է համաձայնի «ավարտել այս պատերազմը»։

Fars լրատվական գործակալությունը՝ հղում անելով Իրանի իշխանություններին, հաղորդել է, որ Իրանի Իսֆահան և Ֆորդո քաղաքներում գտնվող միջուկային օբյեկտները ենթարկվել են օդային հարվածների։

Իրանի քաղաքական որոշումների նպատակահարմարությունն ուսումնասիրող խորհրդի անդամ Մոհսեն Ռեզաին ավելի վաղ հայտարարել էր, որ Իրանը իր «ամբողջ հարստացված միջուկային նյութերը» տեղափոխել է անվտանգ վայր։

«ԱՄՆ-ն ու Իսրայելն այս հարձակումը փորձարկել են զորավարժությունների ժամանակ մոտ մեկ տարի առաջ», – հայտնել է տեսաալիքը։ Աղբյուրի պնդմամբ՝ այդ զորավարժություններն աննախադեպ էին, քանի որ դրանց ընթացքում առաջին անգամ Իսրայելի և ԱՄՆ-ի ուժերը փորձարկեցին հարձակողական գործողություններ Իրանի միջուկային ներուժի դեմ։

Հեռուստաալիքը նշում է, որ զորավարժություններն անցկացվել են ԱՄՆ նախկին նախագահ Ջո Բայդենի լիազորությունների ժամանակ։