Ֆլորենս քաղաքի ավագ դպրոցի ուսուցիչը Հարավային Կարոլինա նահանգում ձերբակալվել է՝ դպրոցում տհաճ հոտով սփրեյ օգտագործելու համար։ Այս մասին տեղեկացնում է New York Post-ը։
Դպրոցի աշխատակից Ալեքսանդր Լյուիսին մեղադրում են 2025 թվականի օգոստոսի վերջից սկսած մինչեւ սեպտեմբերի վերջը մի քանի անգամ կղանքի հոտով սփրեյ ցողելու մեջ։ Նրա գործողությունները կողմնակի ազդեցություն են ունեցել՝ վնասելով օդորակման համակարգը 55,000 դոլարից ավելի գումարով և մի քանի աշակերտի մոտ առողջական խնդիրներ առաջացնելով։
Ֆլորենս շրջանի շերիֆի գրասենյակի հաղորդմամբ՝ Լյուիսը սփրեյը գնել է առցանց եղանակով։ Տհաճ հոտից բողոքելուց հետո դպրոցի վարչական անձնակազմը ստուգել է գազի և օդափոխության համակարգերը, սակայն առնչվող սարքավորումների մանրամասն վերահսկումից հետո է միայն հայտնաբերվել հոտի աղբյուրը։
Դեպքը հատկապես ազդեցություն է ունեցել ասթմայով երեխաների վրա. ծնողներից մեկը նշել է, որ իր որդին մի քանի ասթմայի նոպայի ենթարկվել է և բժշկական օգնության կարիք է ունեցել։ Լյուիսին մեղադրանքներ են առաջադրվել դպրոցում խաղաղությունը խախտելու և դիտավորյալ 10,000 դոլարից ավելի գույքային վնաս հասցնելու համար։ Ներկայումս ուսուցչի դրդապատճառները մնում են անհայտ։