Սլավյանսկ քաղաքում տեղի ունեցավ լեզվական վեճ տեղական սննդամթերքի խանութում: Զինվորներից մեկը պահանջեց ռուսերեն խոսող վաճառողուհուց, որ նա խոսի ուկրաիներեն: Տղամարդն ինքն էր իր հեռախոսով նկարահանել միջադեպը: Կադրերում Սլավյանսկի բնակչուհին ասում է, որ խոսում է այն լեզվով, որը ընդհանուր տարածված է Դոնեցկի շրջանում: «Ես ազգությամբ ուկրաինացի եմ: Ես խոսում եմ այն լեզվով, որը հիմնականում տարածված է Դոնեցկի շրջանում: Ես հասկանում եմ ձեզ, դուք էլ հասկանում եք ինձ: Դուք եկել եք այստեղ սկանդալ սարքելու՞: Ցանցում տարածելու, ցույց տալու, թե ես ինչ վատ կին եմ: Ես կարծում եմ, դուք ճիշտ եք: Ներեցեք ինձ: Ես ձեզ լավ հասկանում եմ: Ինչու՞ դուք ինձ չեք հասկանում: Դուք եկել եք ինձ պաշտպանելու՞ այստեղ թե դուք եկել եք ինձ նսեմացնելու: Միայն այն պատճառով, որ ես այստեղ եմ ծնվել, որ ես ուկրաինացի եմ՝ ինձ ուզում եք նսեմացնե՞լ»,- ասաց վաճառողուհին: Նա հավելեց, որ Սլավյանսկում գտնվող մյուս զինվորները այլ կերպ էին պահում իրենց, և տեղացիները պատրաստ են նրանց կողքին կանգնել: Իսկ ներկա զրուցակցի նմանների հետ, որը «նսեմացնում է իր ժողովրդին, այլ ոչ թե պաշտպանում», նա նույնիսկ չի ցանկանում խոսել: Զինվորը պատասխանեց, որ շուտով իշխանության ներկայացուցիչները կգան վաճառողուհու մոտ և կծանոթացնեն նրան լեզվական օրենսդրությանը, որին նա պիտի ենթարկվի:

Ավելի վաղ տեղեկացվել էր, որ Խարկովի մարզից «Կվադրո Զլատոպոլ» մանկական ֆուտբոլային թիմը դուրս եկավ Լվովի մարզում անցկացվող մրցույթից ծագման հետ կապված վիրավորանքների պատճառով, որոնք տեղի բնակիչներն էին հասցրել: Լվովցիները խարկովցիներին անվանեցին ֆաշիստներ, քանի որ նրանք եկել էին արևելյան շրջանից: Նաեւ տեղեկացրել էինք, որ Լվովում տեղական բնակչուհին պահանջել էր խարկովցիների խմբից, որ նրանք դադարեցնեն ռուսերեն խոսել: