Հյուսիսային Կորեան խստորեն դատապարտել է ԱՄՆ-ի և Հարավային Կորեայի համատեղ զորավարժությունների պլանները՝ նախազգուշացնելով դրանց հնարավոր բացասական հետևանքների մասին, ինչպես հայտարարել է այդ երկրի պաշտպանության նախարար Նո Գվանգ Չոլը։

«Մենք վճռականորեն քննադատում ենք ԱՄՆ-ի և Կորեայի Հանրապետության սադրիչ քայլերը, որոնք ցույց են տալիս պատերազմի պատրաստականություն ԿԺԴՀ-ի դեմ և նոր լուրջ մարտահրավեր են անվտանգությանը Կորեական թերակղզում ու տարածաշրջանում։ Զգուշացնում ենք նման գործողություններից առաջացող բացասական հետևանքների մասին»,- ասվում է նախարարի հայտարարության մեջ։

Հյուսիսային Կորեան այս զորավարժությունները որակել է որպես միանշանակ սպառնալիք և Փհենյանի նկատմամբ ուղղված «ռազմական սադրանք», ինչը կարող է մեծացնել անկանխատեսելի իրավիճակներ տարածաշրջանում։

Նշվում է, որ այս գործողությունները կարող են ունենալ հակառակ արդյունք՝ առաջացնելով ավելի լարված իրավիճակ։

ԿԺԴՀ-ն հայտարարել է, որ իր զինված ուժերը պատրաստ են վճռականությամբ պատասխանելու այս գործողություններին՝ կիրառելով ինքնապաշտպանության իրենց իրավունքները։

Հարավային Կորեան և Միացյալ Նահանգները պլանավորում են օգոստոսի 18-28-ն անցկացնել Ulchi Freedom Shield 25 (UFS) լայնածավալ զորավարժություններ։

Ռենհապ զեկուցում է, որ 40 նախատեսված վարժանքներից 20-ը կտեղափոխվեն սեպտեմբեր։