Վերաքննիչ դատարանը հաստատեց առաջին ատյանի դատարանի վճիռը, որը վերաբերում էր Մհեր Ենոքյանին։ Այս մասին տեղեկացրել են դատավոր Վաչե Մարգարյանի գրասենյակից, որտեղ քննարկվել էր Իոսիֆ Աղաջանովի ընտանիքի վերաքննիչ բողոքը Ենոքյանի դեմ։ Քննարկումն անցել է գրավոր կարգով։

Ավելի վաղ արդեն հաղորդվել էր, որ առաջին ատյանի դատարանը հունիսի 18-ին որոշել էր բավարարել Ենոքյանի վերաքննիչ բողոքը՝ թույլ տալով պայմանական վաղաժամ ազատել նրան։

1996-ի հուլիսին հայ հանրությունը շոկի մեջ էր՝ լսելով բժշկական ինստիտուտի 19-ամյա ուսանող Իոսիֆ Աղաջանովի սարսափելի սպանության մասին։ Տարվա վերջում դատարանը որոշեց, որ զոհի համակուրսեցի Մհեր Ենոքյանը և նրա ընկերը՝ Արամ Հարությունյանը, մեղավոր են, ուստի դատապարտվեցին. Հարությունյանը՝ 15 տարվա ազատազրկման, Ենոքյանը՝ մահվան՝ իբրև սպանության կազմակերպիչ։ Ըստ գործի նյութերի՝ նրանք մանրակրկիտ նախապատրասվել էին սպանությանը, ապա թաքցրել դիակը և ծնողներից 20 հազար դոլար շորթել փորձում։

Մահապատժի մորատորիումից հետո Ենոքյանի պատիժը փոխարինվեց ցմահ ազատազրկմամբ։ Ի տարբերություն Արամ Հարությունյանի, ով դատապարտվեց 15 տարվա ազատազրկման, Ենոքյանը չի ընդունել իր մեղքը և չի զղջացել ո՛չ դատավարության ընթացքում, ո՛չ էլ նրանից հետո։ Նա երկու անգամ փախավ բանտից՝ 2004 և 2009 թվականներին։ ՀՀ-ում իշխանափոխությունն օգնեց Ենոքյանին ակտիվորեն դիմել պայմանական վաղաժամ ազատման համար, ինչը հանգեցրեց նրան ազատ ռեժիմի քրեակատարողական հիմնարկ տեղափոխելուն։ Սա մեծապես հնարավոր եղավ նրա կնոջ ջանքերով, որը աշխատում է Պետական վերահսկողության ծառայությունում: