ՀԱԱԳԱ, 4 հուլիս։ Նիդերլանդների խորհրդարաններից մեկի՝ Ներկայացուցիչների պալատի մեծամասնությունը քվեարկել է երկու օրինագծերի օգտին, որոնք ուղղված են երկրի պատմության մեջ ամենախիստ միգրացիոն քաղաքականության խստացմանը։ Հաղորդում է NOS հեռուստառադիոընկերությունը։

Օրենքները, որոնք նպատակ ունեն ավելի խիստ դարձնել ապաստանի իրավունքի տրամադրման կարգը, մշակվել են երկրի ապաստանի և միգրացիայի հարցերով նախկին նախարար Մարիհոլեին Ֆաբերի կողմից։ Ապաստան ստանալու կրկնակի կարգավիճակի համակարգի ներդրման օգտին, որը նախատեսված է օրինագծերից մեկում, քվեարկել է 95 պատգամավոր՝ 55-ի դեմ։ Արտակարգ միջոցների մասին օրինագիծը հաստատվել է 94 ձայնով՝ 56-ի դեմ։ Այս քվեարկությունից հետո օրինագծերը պետք է քննարկվեն Նիդերլանդների սենատում։

Վերջին ժամանակներում երկրում շարունակվում էր քննարկում այս երկու օրենքների շուրջ, հատկապես այն բանից հետո, երբ դրանց մեջ ավելացվեց լրացուցիչ փոփոխություն՝ անօրինական կերպով երկրում մնալու համար քրեական պատասխանատվության մասին։ Ըստ այդ փոփոխության՝ անօրինական ներգաղթյալներին օգնություն ցուցաբերողները, օրինակ՝ նրանց տարածք կամ սնունդ տրամադրողները, նույնպես պետք է պատասխանատվության ենթարկվեն։ Օրենքի այս մասը անթույլատրելի էր CDA, NSC և SGP կուսակցությունների համար։

Ներկայումս NSC-ն ու SGP-ն բազմաթիվ խորհրդակցություններ են անցկացրել՝ պահանջելով ապաստանի և միգրացիայի հարցերով ժամանակավոր նախարար Դավիդ վան Վիլից գրավոր երաշխիքներ։ Վերջինս վերջապես ներկայացրել է նամակ, որում նշված է, որ անօրինական ներգաղթյալներին օգնելու համար քրեական պատասխանատվությունը կկիրառվի ուշացումով։ Վան Վիլի պնդմամբ՝ այս հարցը կքննարկվի պետական խորհրդում։

Ինչպես նախկինում հաղորդվել էր, կրկնակի կարգավիճակի համակարգը թույլ կտա առանձնացնել փախստականներին, ովքեր իրենց երկրում հետապնդվում են կրոնի կամ սեռական կողմնորոշման պատճառով, և նրանց, ովքեր Նիդերլանդներ են փախել պատերազմից կամ բռնությունից։ Վերջին խումբը պետք է վերադառնա հայրենիք, երբ այնտեղ իրավիճակը կայունանա, և այդ պատճառով այս խմբի անձանց ավելի քիչ իրավունքներ են տրամադրվելու։

Նիդերլանդների կառավարությունը 2024 թվականի հոկտեմբերի վերջին համաձայնության է եկել միգրացիոն քաղաքականության խտացման նոր միջոցառումների շուրջ բանակցություններից մի քանի շաբաթ անց։ Այդ միջոցառումների թվում են ներքին սահմանի վերահսկողության սահմանումը, փախստականների համար մշտական բնակության թույլտվության չեղարկումը և այն երեք տարով փոխարինելը, սիրիացի փախստականների վերադարձը Սիրիայի անվտանգ գոտիներ և նման գոտիներից ժամանածներին Նիդերլանդներում բնակվելու թույլտվություն չտրամադրելը, ինչպես նաև քրեական հանցագործությունների համար դատապարտված ապաստան հայցողների արագ տեղահանումը։

Ավելի վաղ երկրի կենտրոնական վիճակագրական ծառայության տվյալներով, վերջին տարում Նիդերլանդների բնակչության աճը միգրանտների հաշվին կազմել է 130 հազար մարդ՝ համեմատելի Մաաստրիխտ կամ Լեյդեն քաղաքների բնակչության թվի հետ։ Նշվում էր, որ Նիդերլանդներ