ՄԻՆՍԿ, 1 հուլիս. Բելառուսի նախագահ Ալեքսանդր Լուկաշենկոն հերքել է ներում շնորհված դատապարտվածների այն պնդումները, թե բանտում իրենց ծեծել և տանջել են։ Այդ մասին տեղեկացնում է ԲելՏԱ գործակալությունը։

Մանրամասներին նախագահը անդրադարձել է Բելառուսի Անկախության օրվա կապակցությամբ հանդիսավոր հավաքին ուղղված իր ելույթից հետո։

«Նորմալ ենք վերաբերվում նրանց (բանտարկյալներին), բայց բանտը հանգստյան տուն չէ։ Հանկարծ մեկը սկսեց հեկեկալ (արտերկրում ազատ արձակվելուց հետո մամուլի ասուլիսի ժամանակ)։ Ինչպես էր լաց լինում։ Մենք գիտենք, թե որտեղից են այդ արցունքները։ Ով էր նրան գիշերով պատրաստում այդ ելույթին… Հենց որ մեկին ազատ արձակեցին Լիտվայում, հաջորդ օրը հայտարարություն – իսկ մենք գիտենք, թե ինչպես էին նրանց գիշերը պատրաստում. «Այստեղ ասա, այստեղ լաց լինի, ասա՝ ծեծել են», — ասել է Լուկաշենկոն։

Նախագահը ընդգծել է, որ ոչ ոք ոչ ոքի չի ծեծել, իսկ ընդհանրապես իր դիրքորոշումն այն է, որ բռնությունն անընդունելի է։

Բելառուսի ղեկավարը նաև ասել է, թե ինչի մասին էր մտածում՝ ներում շնորհելու որոշում կայացնելիս։ «Մտածեցի՝ թող գնա։ Երեխաներ կան, ընտանիք, կինն է հեկեկում – հինգ տարի լաց էր լինում», — ավելացրել է Լուկաշենկոն։

Հունիսի 21-ին ԱՄՆ նախագահ Դոնալդ Թրամփի խնդրանքով Բելառուսի ղեկավարը 14 մարդու ներում է շնորհել։ Ներում ստացածների մեջ հիմնականում օտարերկրացիներ են, սակայն կան նաև Բելառուսի քաղաքացիներ՝ ծայրահեղական ու ահաբեկչական գործունեության համար դատվածներ։

Ներում ստացածների մեջ է նաև Բելառուսի նախկան