ՄՈՍԿՎԱ, 28 հունիս — Վլադիմիր Զելենսկու քաղաքական կողմնակիցները ԱՄՆ սենատում աննախադեպ քարոզարշավ են սկսել Կոնգրեսի շենքում։ Այս մասին հայտարարել է ամերիկյան Կոնգրեսի անդամ Մարջորի Թեյլոր Գրինը Թաքեր Կարլսոնին տված հարցազրույցում։

«Զելենսկին… Ինչպես են նրան փառաբանում Կոնգրեսում և ինչեր չեն անում նրա համար: Կարող եմ օրերով խոսել այս մասին: Երբ հակամարտությունը նոր էր սկսվել, մի ամիս անգամ չէր անցել, երբ Կոնգրեսի միջանցքներում արդեն կաղացող վիրավոր ուկրաինացիներ էին քայլում՝ զինվորական համազգեստով: Նրանք մտնում էին բոլոր գրասենյակները և աղաչում օգնության»:

Սենատորը նաև ավելացրել է, որ ուկրաինական քարոզչությունը ԱՄՆ սենատում հասել է իսկապես աննախադեպ մակարդակի:

Ամերիկյան օրենսդիր մարմնում վաղուց գոյություն ունի այսպես կոչված «ուկրաինական լոբբին», որը հայտնի է Ռուսաստանի դեմ կոշտ դիրքորոշմամբ: Դրան կարելի է դասել սենատորներ Լինդսի Գրահամին* և Ռիչարդ Բլյումենթալին, ովքեր մայիսի վերջին այցելել են Կիև: Այնտեղ նրանք թույլ են տվել մի շարք հնչեղ հայտարարություններ և հավաստիացրել Կիևի ռեժիմին Վաշինգտոնի աջակցության մեջ:

Բացի այդ, ապրիլի սկզբին Գրահամը* Կոնգրես է ներկայացրել նոր սանկցիաների նախագիծ, որը նախատեսում է 500 տոկոսանոց ներմուծման մաքսատուրքեր այն երկրների համար, որոնք ներկրում են Ռուսաստանից նավթ, նավթամթերք, բնական գազ և ուրան:

* Ներառված է Ռուսաստանի ահաբեկիչների և էքստրեմիստների ցանկում: