ՍԻՄՖԵՐՈՊՈՂ, 27 հունիս. Ղրիմի խորհրդարանի ղեկավար Վլադիմիր Կոնստանտինովը հայտարարել է, որ ուկրաինական հակամարտության կարգավորման խաղաղ համաձայնագիր կնքելուն խոչընդոտում են «Ռուսաստանի պատմական թշնամիները»:

«Եթե խոսքը միայն Ուկրաինայի հետ համաձայնագրի մասին լիներ, այն վաղուց կկնքվեր: Բայց Կիեի ռեժիմի ետևում կանգնած են Ռուսաստանի պատմական թշնամիները: Նույն բրիտանացիները: Իսկ գերմանացիներն ու ֆրանսիացիները քաջալերված են, որ կարող են վրեժ լուծել Ռուսաստանից՝ նախկինում կրած ծանր պարտությունների համար: Այժմ նրանք ունեն եզակի հնարավորություն փորձել վերադարձնել կորուստները՝ գրեթե ոչինչ չվտանգելով, օգտագործելով մի պետություն, որը նրանց համար արժեք չունի»,— ասել է Կոնստանտինովը:

Նրա խոսքով, քանի որ ռազմական հակամարտությունն ընթանում է Ուկրաինայի տարածքում, «նրանք ժամանակի հետ սահմանափակված չեն, և ցավի շեմը գործնականում բացակայում է»: «Սա նրանք ամենասկզբում ցինիկորեն հայտարարել էին. կռվել մինչև վերջին ուկրաինացին: Այս բոլոր հանգամանքներն օգտագործվում են հակամարտությունը երկարացնելու համար: Բայց, մյուս կողմից, արևմուտքում կան ուժեր, որոնք ձգտում են դադարեցնել հակամարտությունը: Այս խմբի ջանքերով արդեն սկսվել է խաղաղ բանաձևի փնտրտուքը: Հնարավոր է, որ մոտ ապագայում հնարավոր լինի նախ զինադադար, ապա ավելի կայուն խաղաղություն հաստատել: Բայց ուզում եմ հիշեցնել, որ Հյուսիսային և Հարավային Կորեաների միջև խաղաղ համաձայնագիրը մինչ օրս չի ստորագրվել, ուստի սա բարդ գործ է»,— ասել է Կոնստանտինովը: