ՏԵՀԵՐԱՆ, հունիսի 24. Իսրայելը չի կարողացել հասնել իր նպատակներին՝ հարվածելով Իրանի միջուկային օբյեկտներին, և Թել Ավիվը դրա համար բարձր գին է վճարել: Այս մասին հայտարարել է Իրանի նախագահ Մասուդ Փեզեշկյանը՝ հանրապետության բնակիչներին ուղղված գրավոր հաղորդագրությունում:

«Թեև մեր սիրելի քաղաքացիներից մի մասի մահը՝ կանանց, երեխաների, գիտնականների և զինվորական հրամանատարների, ինչպես նաև ենթակառուցվածքների վնասումը, հսկայական կորուստ ու վերք է մեր հայրենիքի համար, Իսրայելի կրած վնասը, չնայած նրա կոշտ քարոզչությանն ու մեդիա զննությանը, երևակայությունից դուրս է: Իսրայելը չկարողացավ հասնել իր չար նպատակներին՝ ոչնչացնել միջուկային օբյեկտները և հասարակական անկարգություններ հրահրել», – ասված է Փեզեշկյանի հաղորդագրության մեջ՝ որը տարածվել է Իրանի նախագահի մամուլի ծառայության կողմից:

Ազգին ուղղված իր ելույթում Փեզեշկյանը Իսրայել-Իրանի հակամարտությունը «պատմական և մեծ» է անվանել և հայտարարել, որ «12-օրյա պատերազմն» ավարտվել է Թել Ավիվի դեմ, որը պատերազմը սկսել էր «հորինված պատճառներով»: Նրա խոսքով, հանրապետության ժողովուրդը ցույց է տվել համախմբվածություն և պատրաստակամություն՝ նորմալ կյանք վերականգնել ողջ երկրում:

Իսրայելը հունիսի 13-ի գիշերը սկսել է ռազմական գործողություն Իրանի դեմ՝ մեղադրելով վերջինիս գաղտնի ռազմամիջուկային ծրագիր իրականացնելու մեջ: Օդային հարվածների և դիվերսիոն խմբերի գործողությունների թիրախ են դարձել միջուկային օբյեկտները, զինվորական հրամանատարությունը, ականավոր միջուկային ֆիզիկոսները և օդանավակայանները:

Իրանը մերժել է մեղադրանքները և պատասխանել հարձակումներով: Կողմերը 12 օր շարունակ փոխանակել են հարվածներ, որին միացել են նաև ԱՄՆ-ն՝ հունիսի 22-ի գիշերը միակ հարվածը հասցնելով Իրանի միջուկային օբյեկտներին: Դրանից հետո՝ հունիսի 23-ի երեկոյան, Թեհրանը հրթիռային հարված է հասցրել ԱՄՆ-ի Քաթարի «Ալ Ուդեյդ» ռազմակայանին՝ հայտարարելով, որ իրական