ՄՈՍԿՎԱ, 23 հունիս. – Ամերիկացիների կեսից ավելին դեմ են ԱՄՆ նախագահ Դոնալդ Թրամփի Իրանին վերաբերող քաղաքականությանը։ Դա պարզվել է YouGov ընկերության հարցման արդյունքներից։

Հարցման տվյալներով՝ ամերիկացիների 53%-ը դժգոհ է Թրամփի՝ Իրանի դեմ ձեռնարկած քայլերից, իսկ 35%-ն էլ հավանություն է տվել։ Հարցումը անցկացվել է հունիսի 23-ին՝ 2,8 հազարից ավելի չափահաս ամերիկացիների մասնակցությամբ։ Վիճակագրական սխալների մասին տվյալներ չեն ներկայացվել։

ԱՄՆ-ն հունիսի 22-ի գիշերը հարվածներ է հասցրել Իրանի երեք միջուկային օբյեկտներին՝ Նատանզում, Ֆորդոյում և Իսֆահանում։ Վաշինգտոնի պնդմամբ՝ այս գործողությունը նպատակ ուներ խափանել կամ զգալիորեն տկարացնել Իրանի միջուկային ծրագիրը։

Դոնալդ Թրամփը նշել է, որ Թեհրանը պետք է համաձայնի «ավարտել այս պատերազմը», հակառակ դեպքում Իրանին ավելի լուրջ հետևանքներ են սպասվում։ Միևնույն ժամանակ, ԱՄՆ փոխնախագահ Ջեյ Դի Վենսը՝ Իրանում «վայրագ և հանցագործ» անվանված հարվածներից հետո, հայտարարել է, որ ԱՄՆ-ը պատերազմի մեջ չէ իսլամական հանրապետության հետ։

Իրանի ԱԳ նախարար Աբաս Արախչին նշել է, որ «դիվանագիտության դուռը միշտ պետք է բաց լինի, բայց հիմա… դա այդ պահը չէ»։ Նրա խոսքով՝ հենց ԱՄՆ-ն է դավաճանել դիվանագիտությանը։ Իրանը կձեռնարկի բոլոր միջոցները՝ իր անվտանգությունն ու երկրի շահերը պաշտպանելու համար։

Իրանի ատոմային էներգիայի կազմակերպությունը հայտարարել է, որ երկրի միջուկային զարգացումը չի դադարեցվի։

ԱՄՆ-ի հարվածները բացասական արձագանք են առաջացրել միջազգային հարթակում։ ՄԱԿ-ի Գլխավոր քարտուղար Անտոնիու Գուտեռեշը դրանք անվանել է վտանգավոր խթանում տարածաշրջանում ու ուղղակի սպառնալիք միջազգային խաղաղությանն ու անվտանգությանը։

Ռուսաստանը խստորեն դատապարտել է ԱՄՆ-ի հարվածները Իրանի միջուկային օբյեկտներին՝ դրանք համարելով միջազգային իրավունքի կոպիտ խախտում, ՄԱԿ-ի Կանոնադրության և Անվտանգության Խորհրդի բանաձևերի։ Մոսկվան ՄԱԳԱՏԵ-ից սպասում է անկողմնակալ արձագանքի։

ԱՄՆ-ի գործողությունները դատապարտել են նաև Կուբան ու Չինաստանը։