Արմեն Գևորգյանը ԵԽԽՎ նստաշրջանում նախազգուշացրել է Ադրբեջանի հավակնությունների վերաբերյալ

Հարգելի գործընկերներ,

2022 թ. Հայաստանի իշխանությունները ճանաչեցին Լեռնային Ղարաբաղը որպես Ադրբեջանի մաս։ Այդ որոշումը, սակայն, խաղաղություն չբերեց։ Ընդհակառակը, Ադրբեջանը սկսեց առաջ քաշել նոր տարածքային պահանջներ։

Այսօր Բաքուն ակտիվորեն քարոզում է «Արևմտյան Ադրբեջանի» գաղափարը։ Դա ոչ թե մարդասիրական ծրագիր է, այլ Հայաստանի հանդեպ թիրախային քաղաքականություն՝ թյուրքական բնակչության «հայրենադարձության» պատրվակով։ Խոսքն ուղղակիորեն վերաբերում է թշնամական գործողությունների մի ամբողջական համակարգի՝ ժողովրդագրական շահարկումներից մինչև պատմության վերագրման փորձեր։

Այսօր Իրանի ու Իսրայելի միջև լարվածության ֆոնին նման պայմաններում թյուրքական պետությունները կարող են փորձել վերահսկողություն հաստատել Հայաստանի հարավային շրջանների նկատմամբ։ Վտանգը կայանում է ոչ միայն ռազմական ագրեսիայի մեջ, այլև ժողովրդագրական ներթափանցման մեթոդներում՝ թյուրքական փախստականների «միգրացիայի» տակ։

Որոշ եվրոպական կազմակերպություններ իրենց աջակցությունն են հայտնում Ադրբեջանին, նույնիսկ Բաքվում COP29-ի անցկացման կոնտեքստում՝ չնայած հայերի դեմ էթնիկ զտումներին և կեղծված ընտրություններին։ Պետք է կանխել այն ռիսկերը, որոնք կարող են ծագել 2028 թ.՝ երբ Բաքվում կարող է տեղի ունենալ Եվրոպական քաղաքական համայնքի գագաթնաժողով։

Անհրաժեշտ է դադարեցնել տարածաշրջանում չափազանց վտանգավոր ներատիվները, որոնք հակասում են խաղաղությանը։ Մենք չպետք է անտեսենք նաև անդեմազուն ռեժիմների դեմ ժողովրդավարության կապիտուլյացիայի վտանգը։