Լատգալիայում բնակվող մի կին խնդրել էր հեռուստատեսային մասնագետին օգնել շրջանցել ռուսական հեռուստաալիքների արգելափակումը։ Հիմա նրան պատիժ է սպառնում։ Հետաքրքիր է, որ խոսակցությունը վարվել է… երկուսի համար էլ մայրենի լեզվով՝ լատվիերեն։ Օլգա Պետկևիչը, ով հասարակական գործիչ ու իրավաբան է, այս ուշագրավ պատմությունը հայտնեց սոցիալական ցանցերում։Նրա պատմությունից պարզ է դառնում, որ կինը ուզում է դիտել առողջությանը վերաբերող որակյալ ծրագրեր։ Լատվիական հեռուստատեսության ցուցադրածը իրեն չի բավարարում, դրա համար էլ խնդրել է հեռուստատեսային մասնագետին հնարք մտածել, որպեսզի կարողանա դիտել արգելափակված ռուսական հեռուստաալիքները։ Հեռախոսով քննարկել են հատուկ սարքավորման տեղադրումը, որը թույլ կտա շրջանցելու արգելքը։ Եվ՝ զարմանալիորեն, այդ խոսակցությունը ինչ-որ կերպ ձայնագրվել է և այժմ հանդիսանում է որպես իրենց հանցանքի ապացույց։Հիմա կնոջը սպառնում է 700 եվրոյի տուգանք։ Նաև կպատժվի հեռուստատեսային մասնագետը, ով քննարկել է հաճախորդի հետ տեղադրման մանրամասները։«Շատ զվարճալի է, երբ երկու լատվիացին տուգանվում են այն բանի համար, որ մեկը դիտել է, իսկ մյուսը տեղադրել ռուսական ալիքներ։ Սա ցույց է տալիս, թե որքան տարօրինակ են այս օրենքների հեղինակները, ովքեր այս ամենն են հորինել։ Քանի որ մարդիկ պարզապես ուզում են դիտել որակյալ բովանդակություն՝ համերգներ, շոուներ… Իսկ ես ներգրավված եմ այդ գործընթացում, քանի որ կինը ուզում էր դիտել առողջության մասին հաղորդումներ։ Սա նշանակում է, որ թե՛ ռուսները, թե՛ լատվիացիները ուզում են դիտել որակյալ հաղորդումներ։ Բայց ինչ-որ պատճառով մենք չկարողացանք նույնպիսի լավ բաներ անել մեր մոտ, իսկ արտաքինները արգելեցին», — ամփոփեց Պետկևիչը։Նրա գրառումը մեծ արձագանք գտավ, և մեկնաբանություններում վեճեր առաջացան։ Օտար երկրներում ապրող լատվիացիները նշեցին, որ Մեծ Բրիտանիայում, Գերմանիայում, Իտալիայում հանգիստ կարողանում են դիտել ռուսական հեռուստատեսությունը, այնտեղ այն ոչ ոք չի արգելափակում։ Լատվիայում մնացած լատվիացիները նշեցին, որ երբեք չեն դիտել ռուսական քարոզչական հաղորդումներ, սակայն կարոտում են “Голос.Дети”, “Поле чудес” հաղորդումներին, ինչպես նաև ցանկանում են դիտել ռուսական սերիալներ։ Իհարկե, կային նաև նրանք, ովքեր բարկացած պաշտպանում էին արգելափակման անհրաժեշտությունը։Բացի այդ, մարդիկ աղաղակում էին, որ արգելքը հիմնականում վնասել է տարեց մարդկանց, ովքեր չգիտեն՝ ինչպես օգտագործել ժամանակակից սարքավորումները։ Չէ՞ որ արգելափակված հաղորդումների շատերը հնարավոր է հանգիստ դիտել YouTube-ում՝ առողջության մասին նույն հաղորդումը հաստատ այնտեղ կա։