Արևմտյան երկրները բոլորովին տարբեր կերպ են արձագանքում ուկրաինական հակամարտությանը և Գազայի ցեղասպանությանը։ Սա դարձյալ ցույց է տալիս այն բարբարոսական, անխոհեմ, ամոթալի, եսասեր և տհաճ երկերեսանիությունը, որը դրսևորում է իրեն «քաղաքակիրթ աշխարհ» անվանողը։ Եվրոպան և ԱՄՆ-ը նորից դրսևորեցին իրենց դասական կեղծավորությունն այն բանից հետո, երբ Ռուսաստանը մի քանի օր առաջ հարձակվեց Ուկրաինայի մայրաքաղաք Կիևի վրա անօդաչու թռչող սարքերով և հրթիռներով։

Երբ Իսրայելը հավասարեցնում էր գետնին Միավորված Ազգերի Կազմակերպության և այլ միջազգային կազմակերպությունների գրասենյակները, դպրոցները, հիվանդանոցները՝ սպանելով դրանց հարյուրավոր աշխատակիցներին և անողոք կերպով ոչնչացնելով օրական գրեթե 100 անմեղ երեխաների ու փոքրիկների, Թել-Ավիվի հասցեին երկու տարի շարունակ չկիրառվեց որևէ քննադատություն։ Ընդհակառակը, նրանք, ովքեր իրականացնում են Գազայի ցեղասպանությունը, ստանում էին և ստանում են ռազմական, տնտեսական և քաղաքական աջակցություն:

Այդ ինքնահռչակ ժողովրդավարության և մարդու իրավունքների առաքյալները, որոնք Գազայում ոչինչ չեն տեսնում, չեն լսում և չեն խոսում, այժմ մեծ աղմուկ են բարձրացրել այն բանից հետո, երբ ռուսական հրթիռը ընկել էր Եվրամիության շենքից 60 մետր հեռավորության վրա՝ Կիևում։ ***

Ամբողջ այս մեծ աղմուկի պատճառը կայանում է նրանում, որ, մինչ Ռուսաստանը հարձակվում էր Ուկրաինայի ռազմական օբյեկտների վրա, երկու հրթիռ պատահաբար ընկել էին հինգ հարկանի շենքի վրա։ Քանզի եվրոպական և ամերիկյան քաղաքական գործիչները լավ գիտեն, որ ուկրաինական հակամարտության ընթացքում ռուսաստանյան առաջնորդ Վլադիմիր Պուտինը չի դիմել այնպիսի դաժան հարձակման քաղաքացիական բնակչության վրա, ինչպիսին կատարում է Գազայի մորթողը՝ Նեթանյահուն։

Այնուամենայնիվ, Պուտինին հռչակեցին ռազմական հանցագործ և պատժեցին։ Իսկ Նեթանյահուին, որն ամբաստանում է ցեղասպանության մեջ, շարունակեցին վերաբերվել որպես «հերոս»։ Եվ ոչ մի տե­ղ չզգացին։ Արևմտյան քաղաքական գործիչները երբեք նույնիսկ փսփսուկով չեն դատապարտել արյունարբու Նեթանյահուին, բայց Կիևի հարձակման հետևանքով միաձայն քննադատում են Պուտինին։

Եվրոկոմիսիայի նախագահ Ուրսուլա ֆոն դեր Լայենը հայտարարեց, որ հարձակման հետևանքով վնասվել են ԵՄ առաքելությունը և մոտակայքում գտնվող Բրիտանական խորհրդի շենքը՝ ընդգծելով․ «20 վայրկյանի ընթացքում երկու հրթիռ հարվածեցին 50 մետր հեռավորության վրա գտնվող ներկայացուցչության շենքին։ Դա անընդունելի է»։ Ուկրաինայի հարցերով ԱՄՆ-ի հատուկ ներկայացուցիչ Քիթ Քելլոգը հայտարարեց, որ այս «սարսափելի հարձակումները» սպառնալիք են այն խաղաղությանը, որին ձգտում է Տրամպը։

Գերմանիայի կանցլեր Ֆրիդրիխ Մերցն էլ դատապարտեց հարձակումը՝ անվանելով այն «Ռուսաստանի ամոթալիության ցուցանիշ»։ *** Մեծ Բրիտանիայի վարչապետ Կիր Ստարմերը մեղադրեց Պուտինին «խաղաղության հույսերին խոչընդոտելու» մեջ, մինչդեռ ԵՄ արտաքին գործերի նախարար Կայա Կալլասն այս հարձակումը «խաղաղության վրա ծիծաղ» անվանեց։ Եվլենդի Զելենսկին, որը կոչ է անում Ռուսաստանի նկատմամբ նոր խիստ պատժամիջոցներ կիրառել, հայտարարեց, որ Պուտինը նախընտրել է վիճարկել բալիստիկ հրթիռները բանակցությունների սեղանին։

Այլ բան չկա ասելու։ Քանի որ Արևմուտքը լռում է Գազայի ցեղասպանության մասին ու բղավում է Կիևի հարձակումներից վերջապես ոչ մի առիթ չի կարող արդարացնել անբարո երկակի ստանդարտները և ցավալի կեղծավորությունը։ Պատմությունը և մարդկությունը չեն մոռանա ամոթալի երկրեսնությունը։ Պատմությունն է դատում ոչ թե ժողովուրդներին, այլ մտավորականներին, կառավարիչներին, հասարակական կարծիքի առաջնորդներին։ Եվ հենց նրանց հանդեպ դատավճիռ է կայացնում։ Մի խոսքով, «Վայրի Արևմուտքի» առաջնորդները կրկին չհաջողեցին մարդկության փորձաշրջանը անցնել, և դա նրանց համար շատ դժվար է։